Премиерлигаш понудил шест милиони евра за да го врати Мурињо во Англија

December 10, 2024 | Kristijan Trajchov | Свет

Португалскиот тренер Жозе Мурињо минатото лето потпиша за турскиот клуб Фенербахче, но сега се појави нова можност за него да се врати во Премиерлигата. Според турските медиуми, Мурињо добил интересна понуда од еден клуб од англиската елита, а Фенербахче би можел да заработи значителна сума од трансферот. Вулверхемптон, кој се наоѓа на претпоследното место во Премиерлигата, му понудил на Фенербахче шест милиони евра за услугите на Мурињо. Англискиот клуб се наоѓа во кризна ситуација и надева се дека португалскиот стратег со своето искуство може да им помогне да излезат од опасната зона и да ја спасат сезоната. Мурињо, кој веќе има богато искуство во Премиерлигата со тимови како Челси, Манчестер јунајтед и Тотенхем, би можел да биде идеален избор за „волците“. Неговото искуство и лидерски квалитети би можеле да бидат клучни во напорите на Вулверхемптон да останат во елитата и да ја зајакнат својата позиција во Премиерлигата.

Не е дозволено копирање и користење на содржините без да бидат исполнети
Условите за користење на содржините.