Фудбалер на Шкендија доби повик да игра за Албанија, може да дебитира против Србија!

October 3, 2025 | Kristijan Trajchov | Македонија

Албанската репрезентација го објави списокот на играчи за квалификацискиот натпревар против Србија во Лесковац на 11 октомври, а најголемата новост е дебитантскиот повик за дефанзивецот на Шкендија, Клисман Цаке. Цаке досега настапуваше за младинските селекции на Албанија, но првпат ќе има можност да заигра за А-тимот. Интересно е што неговото деби може да се случи токму против Србија, што дополнително го привлече вниманието на јавноста. Селекторот Силвињо истакна дека повикот е исклучиво резултат на добрите настапи на Цаке во дресот на тетовска Шкендија, каде што е стандарден првотимец во дефанзивната линија. По дуелот со Србија, Албанија ќе одигра и пријателски меч против Јордан на 14 октомври во Тирана, на стадионот „Ер Албанија“.

Не е дозволено копирање и користење на содржините без да бидат исполнети
Условите за користење на содржините.