Милевски: Ја почитуваме Летонија, но ние сме фаворити

October 9, 2024 | Kristijan Trajchov | Македонија

Нашата репрезентација утре ќе се соочи со Летонија во Рига на третата средба од Лигата на нации, со почеток во 18 часот. Откако Македонија одигра нерешено против Фарски Острови и ја победи Ерменија, селекцијата ќе се надева на нова победа. Селекторот Благоја Милевски смета дека селекцијата има квалитет и сили за да дојде до победа. „Тимот на Летонија го има нашиот максимален респект, меѓутоа ние сме фокусирани на нашето издание. Веќе кажав и тоа навистина го мислам, дека Македонија ќе се прашува за изгледот на групата и првото место. Секако дека ќе ни недостасуваат Зајков и Серафимов во одбраната, но и Трајковски и Чурлинов, но верувам дека сите што ќе добијат шанса ќе ја искористат“, изјави селекторот Благоја Милевски.

Не е дозволено копирање и користење на содржините без да бидат исполнети
Условите за користење на содржините.