Челзи загриза по Олисе, но тешко да ја плати неговата клаузула

June 13, 2024 | Kristijan Trajchov | Свет

Челзи се обиде и не успеа да го ангажира крилниот напаѓач на Орлите минатото лето, и покрај тоа што ја активираше неговата тогашна клаузула за ослободување од 35 милиони фунти (44,6 милиони долари), но потоа тој стави пенкало на нов четиригодишен договор. Сега, Челзи се вратија пак за да се обидат да го ангажираат Олисе, но има пречка која го прави договорот комплициран. „The Telegraph“ пренесува дека Челзи стапил во контакт со Палас за трансфер на Олисе, но ослободителната клаузула не е јасна бидејќи може да биде активирана само од клуб кој игра во Лигата на шампионите. „Сините“ следната сезона ќе играат во Конференциската лига на Европа, што значи дека неговите услуги ќе можат да ги обезбедат само Манчестер Сити, Арсенал, Ливерпул, Астон Вила и екипите кои се квалификувале во елитното натпреварување. И покрај тоа што пропушти голем дел од оваа сезона поради повреди на тетивата, Олисе сепак беше одличен сезонава. Францускиот репрезентативец до 21 година постигна 10 гола и постигна шест асистенции на само 19 натпревари во Премиер лигата. Неговиот договор на Селхурст Парк е до 2027 година, а најверојатно тимовите од Премиер лигата ќе водат војна за него. Тој во минатото беше поврзуван и со Манчестер Јунајтед. Останува да видиме дали ќе биде дел од Палас и после оваа сезона, или ќе премине во некој тим од Премиер лигата или пак во тим надвор од Англија.

Не е дозволено копирање и користење на содржините без да бидат исполнети
Условите за користење на содржините.