„Не можам да заминам, капитенот никогаш не го напушта клубот на пола пат“

December 12, 2024 | Kristijan Trajchov | Свет

Капитенот на Јувентус, Данило, ги отфрли шпекулациите за можен трансфер во Наполи во јануари и истакна дека има намера да продолжи да игра за тимот и во иднина. Со оглед на тоа што неговиот актуелен договор со Јувентус истекува по завршувањето на оваа сезона, се појавија наводи дека Данило може да се пресели во Наполи во зимскиот преоден рок. Сепак, тој ја негираше оваа можност, потврдувајќи дека ќе остане верен на црно-белиот дрес. „Не сакам да го напуштам Јувентус во јануари. Капитенот никогаш не го напушта клубот на половина пат, јас нема да бидам првиот кој го направил тоа. Тука сум и подготвен да го дадам најдоброто за Јувентус, секогаш“, рече Данило. Трансферот на Данило беше резултат на договорот помеѓу Јувентус и Манчестер Сити, при што Данило премина во редовите на италијанскиот гигант, додека Жоао Кансело се пресели во спротивна насока, во Манчестер Сити. Во Јувентус Данило се утврди како стабилен и сигурен играч, познат по својата физичка подготвеност, агресивност и добри дефанзивни способности. И покрај некои критики за неговото напаѓачко учество, Данило успеа да се вклопи во тактиките на Јувентус и да стане важен член на тимот, посебно во периодите кога клубот имаше повредени играчи или недостасуваше на некои позиции.

Не е дозволено копирање и користење на содржините без да бидат исполнети
Условите за користење на содржините.