Властите во Германија стравуваат од можни терористички напади на ЕП

June 19, 2024 | Kristijan Trajchov | Свет

Германските власти најавија дека постои терористичка закана за Европското фудбалско првенство, пишува „The Financial Times“. Годинава на десет стадиони во Германија се одржува главниот фудбалски настан во Европа. Во материјалот на британското издание, повикувајќи се на изјава на шефот на Федералната канцеларија за заштита на Уставот на Германија, Томас Халденванг, се вели дека едно од сценаријата за терористички напад на Европското првенство би можело да биде напад сличен на оној што се случи во трговскиот центар Крокус Сити во близина на Москва на 22 март. Зборовите на функционерот ги потврдува и шефицата на германското Министерство за внатрешни работи, Ненси Фесер, која потсети на неодамнешната публикација објавена на сметка на група која припаѓа на авганистанското крило на ИСИС (терористичка организација забранета во Руската Федерација). Исламистите објавија фотографија на која се гледа вооружен милитант на еден од фудбалските стадиони. Во исто време, под илустрацијата терористите оставиле потпис „Постигнете го последниот гол“, што јасно ги покажува нивните намери. И властите на Франција, на чија територија ќе се одржат Летните олимписки игри, претходно најавија за можни терористички напади. Свеченото отворање ќе се одржи во Париз на 26 јули. Воедно, финалето на Европското првенство е закажано за 14 јули и ќе се одржи на Олимпискиот стадион во Берлин.

Не е дозволено копирање и користење на содржините без да бидат исполнети
Условите за користење на содржините.