Страшен тим: Идеалниот тим на Јунајтед според желбите на Аморим (ФОТО)

January 2, 2025 | Kristijan Trajchov | Свет

Рубен Аморим има очаен почеток како менаџер на Манчестер Јунајтед. Уште од самиот старт, тој инсистира да ја игра со неговата формација и неговиот систем, иако е дискутабилно колку профилот на играчите кои ги има во моментов одговараат на тоа. Сепак, премногу е рано за да се носат било какви заклучоци за неговата кариера како менаџер на Манчестер. На клубот итно му требаат засилувања, а денеска The Mirror направи состав со играчи кои ги има моментално и кои воедно се желба на Аморим уште во јануари. Наводно, Аморим би го задржал Онана, како и Јоро, Мартинез и Де Лихт во одбраната. Според португалскиот тренер, Бруно Гимараеш би бил одличен партнер со Коби Меино во средината. Познатите крило-бекови кои се многу важни за системот на Аморим наводно тој посакува да бидат Амад Диало и Алфонсо Дејвис. Договорот на левиот бек на Баерн Минхен истекува по крајот на сезонава, а се повеќе се пишува дека тој ќе остане, така што Јунајтед нема скоро никакви шанси за негов ангажман. Позади напаѓачот, Аморим посакува да го задржи Бруно, а покрај него да биде Дани Олмо, играчот на Барса кој во моментов не е регистриран во Ла Лига поради финансиските проблеми на клубот, но и таму најдоцна до утре се очекува разрешница. Во нападот, Аморим сака да го доведе Виктор Ѓокереш, машината за голови на Спортинг Лисабон со кој менаџерот веќе соработуваше во Спортинг.

Не е дозволено копирање и користење на содржините без да бидат исполнети
Условите за користење на содржините.