June 18, 2025 | | Свет
Спортскиот директор на Барселона, Деко, попладнево слета на Ибица каде што во наредните денови ќе води клучни разговори во насока на ангажманот на Нико Вилијамс, ѕвездата на Атлетик Билбао и приоритетна цел за летниот преоден рок. Вилијамс, кој важи за еден од најдинамичните офанзивци на шпанската сцена, веќе од минатата недела е во фокусот на каталонскиот клуб, откако неговиот агент оствари првични контакти со раководството на Барселона. Сега, Деко лично ја презема операцијата и доаѓа на Ибица со задача да ги забрза и финализира преговорите. Според извори блиски до клубот, на островот се очекува Деко да се сретне не само со Нико Вилијамс и неговиот агент, туку и со тренерот на Барса, Ханси Флик, со цел да се координираат спортската стратегија и планот за вметнување на играчот во тимот. Сепак, за да го реализира овој трансфер, Барселона ќе мора да ослободи финансиски простор, што значи дека најмалку еден важен играч ќе мора да биде продаден. Засега не е прецизирано кој би можел да биде „жртвуван“, но јасно е дека клубот е под притисок на финансискиот фер-плеј и мора да делува внимателно. Иако преговорите се во чувствителна фаза, присуството на Деко на теренот покажува сериозна решеност – Нико Вилијамс е на врвот на листата на желби, а Барселона ќе се обиде да го обезбеди неговиот потпис уште пред почетокот на новата сезона.
📸 IMAGEN @JijantesFC 🛬 Ya han aterrizado Deco, Bojan y Alejandro Echevarría en Ibiza para comer con Hansi Flick ☎️ Nico Williams tambien se encuentra en la isla de vacaciones pic.twitter.com/T55LFFivot
— Jijantes FC (@JijantesFC) June 18, 2025
Не е дозволено копирање и користење на содржините без да бидат исполнети
Условите за користење на содржините.
September 13, 2024 |
September 7, 2024 |
September 16, 2024 |