December 13, 2024 | | Македонија
На денешното извлекување во Цирих, фудбалската репрезентација на Македонија ги дозна своите противници во квалификациската група за Светското првенство 2026, кое ќе се одржи во САД, Канада и Мексико. Македонија е сместена во група со силни тимови како Белгија, Велс, Казахстан и Лихтенштајн. Селекторот Благоја Милевски изрази уверување дека оваа група носи реална шанса за неговиот тим. Тој верува дека ако репрезентацијата продолжи да ја одржува енергијата и позитивниот дух што го покажа во последните натпревари од Лигата на нации, Македонија може да се надева на добри резултати и можност за пласман на Светското првенство. “Извлекувањето во Цирих ни носи надеж. Добивме група со репрезентации со кои може да играме и да се надеваме на добар пласман. Белгија е голем фаворит. Една од најсилните светски селекции и ќе биде големо изненадување доколку не успее да го освои првото место во оваа конкуренција. Велс е одлична репрезентација, тим кој игра динамичен и брз фудбал. Се разбира дека влегуваат со свои пресметки за конечниот пласман во групата, но убеден сум дека можеме да се спротивставиме на вистински начин. Казахстан и Лихтенштајн можеби немаат позитивни резултати во последните квалификациски циклуси, но секој нов почеток е нова надеж и за условно, помалите репрезентации во групата. За мене е важно ние да го задржиме истиот пристап како на последните натпревари од Лига на нации, силно мотивирани да влеземе во квалификациите и да одново да се бориме за резултат кој може да ни донесе можност за евентуален пласман на големо натпреварување”, изјави Милевски.
Не е дозволено копирање и користење на содржините без да бидат исполнети
Условите за користење на содржините.
September 13, 2024 |
September 16, 2024 |
