Ливерпул пред сите – Суперкомпјутерот ги откри фаворитите за ЛШ

February 20, 2025 | Kristijan Trajchov | Анализи

Суперкомпјутерот на британската компанија Opta ја објави својата анализа за фаворитите во Лигата на шампионите уште пред да се одржи ждрепката за осминафиналето. По завршувањето на плејофот и дефинирањето на 16-те тима кои ќе се борат за трофејот, алгоритамот ги пресмета веројатностите за освојување на титулата. Според оваа прогноза, Ливерпул има најголеми шанси да ја освои Лигата на шампионите со 20,2%, додека Арсенал (16,8%), Барселона (12,7%) и Интер (12,4%) се неговите најблиски конкуренти. Иако Реал Мадрид го елиминираше Манчестер Сити во спектакуларен натпревар на „Бернабеу“, алгоритамот не го смета за најсилен кандидат и го позиционира на петтото место со 10,5% шанси за трофеј. Неговиот градски ривал Атлетико Мадрид се најде на деветтата позиција со 3,8% веројатност, додека меѓу нив се наоѓаат тимови како Баерн Минхен, Баер Леверкузен и Пари Сен Жермен со проценти меѓу 5% и 10%. На дното на оваа листа се Астон Вила, Лил, Бенфика, ПСВ Ајндховен, Борусија Дортмунд, Клуб Бриж и Феенорд, кои имаат минимални шанси за освојување на титулата, под 1%.

Не е дозволено копирање и користење на содржините без да бидат исполнети
Условите за користење на содржините.