Возбудлива трка до крајот: Распоредот за остатокот од сезоната во Ла Лига

February 10, 2025 | Kristijan Trajchov | Анализи

Во Ла Лига се очекува неизвесна завршница, бидејќи разликата меѓу водечките екипи е минимална – Реал Мадрид има 50 бодови, Атлетико Мадрид 49, а Барселона 48. Каталонците максимално го искористија ремито во мадридското дерби и ја намалија предноста на Реал која пред два кола беше +7. Во последните 15 кола ќе се одиграат неколку клучни натпревари, меѓу кои Атлетико Мадрид – Барселона на 16 март и големото „Ел Класико“ помеѓу Барселона и Реал Мадрид на 10 мај. Распоредот носи различни предизвици за секој тим. Барселона има девет домашни натпревари, а најтешките гостувања ѝ се против Атлетико Мадрид и Атлетик Билбао во последното коло. Атлетико Мадрид веќе ги одигра двата меча со Реал, а покрај дуелот со Барселона, ќе мора да се соочи со Билбао, Севиља и Жирона. Реал Мадрид, пак, го очекуваат седум гостувања, вклучувајќи го „Ел Класико“, како и натпревари против Осасуна, Бетис, Виљареал и Севиља. Со 45 бодови во игра, сè е можно и ова ветува драматична завршница во трката за титулата. Распоредот во Ла Лига на трите тима:  24. коло: Осасуна – Реал Мадрид, Атлетико – Селта, Барселона – Рајо Ваљекано 25. коло: Реал Мадрид – Жирона, Валенсија – Атлетико Мадрид, Лас Палмас – Барселона 26. коло: Бетис – Реал Мадрид, Атлетико – Атлетик Билбао, Барселона – Сосиедад 27. коло: Реал – Рајо Ваљекано, Хетафе – Атлетико, Барселона – Осасуна 28. коло: Виљареал – Реал, Атлетико – Барселона 29. коло: Реал – Леганес, Еспањол – Атлетико, Барселона – Жирона 30. коло: Реал – Валенсија, Севиља – Атлетико, Барса – Бетис 31. коло: Алавес – Реал, Атлетико – Ваљадолид, Леганес – Барса 32. коло: Реал – Билбао, Лас Палмас – Атлетико, Барса – Селта 33. коло: Хетафе – Реал, Атлетико – Рајо, Барса – Мајорка 34. коло: Реал – Селта, Алавес – Атлетико, Ваљадолид – Барса 35. коло: Барса – Реал, Атлетико – Сосиедад 36. коло: Реал – Мајорка, Осасуна – Атлетико, Еспањол – Барса 37. коло: Севиља – Реал, Атлетико – Бетис, Барса – Виљареал 38. коло: Реал – Сосиедад, Жирона – Атлетико, Билбао – Барса

Не е дозволено копирање и користење на содржините без да бидат исполнети
Условите за користење на содржините.