Арсими го засили нападот со играч од Нигерија

July 30, 2025 | Kristijan Trajchov | Македонија

Новиот прволигаш Арсими го продолжува оформувањето на составот за својата историска дебитантска сезона во Првата македонска фудбалска лига. Ново засилување во нападот е искусниот нигериски фудбалер Сикиру Олатунбосун. Олатунбосун, кој има 29 години, добро го познава македонскиот фудбал – тој претходно настапуваше за Воска Спорт. Неговата богата кариера го носела и во клубови од Турција, Египет, Албанија и Нигерија, а најчесто настапува на позицијата крилен напаѓач. Од Арсими очекуваат дека неговото искуство и офанзивен потенцијал ќе бидат значајна придобивка за тимот, кој сака успешно да се претстави во елитното друштво уште во првата сезона.

Не е дозволено копирање и користење на содржините без да бидат исполнети
Условите за користење на содржините.