Барди: Можеме да направиме нешто големо во овој циклус, целта се трите бода!

March 21, 2025 | Kristijan Trajchov | Македонија

Македонската фудбалска репрезентација утре (15 часот) на арената „Реинпарк“ во Вадуц го отвора квалификацискиот циклус за Светското првенство 2026. Иако нашиот тим е фаворит против селекцијата на Лихтенштајн, капитенот Енис Барди нагласува дека тоа мора да се потврди на теренот. „Во модерниот европски фудбал не постојат апсолутни фаворити. Секој ривал заслужува почит, а сè останато треба да се докаже преку играта. Ова е ново поглавје за нас, мора да ја насочиме енергијата, да дадеме максимум и да ги освоиме посакуваните три бода. Сите веруваме дека можеме да направиме многу во овие квалификации и да го оствариме сонот за голем успех“, истакна Барди. Тој потенцираше дека во овие тешки моменти најважно е да се покаже солидарност со семејствата на настраданите во трагедијата. Репрезентативците ќе ја изразат својата поддршка преку борбена и посветена игра, гордо носејќи го дресот на Македонија.

Не е дозволено копирање и користење на содржините без да бидат исполнети
Условите за користење на содржините.