Детонит Плачковица одлучи да се раздели со тренерот Варадиновски!

September 3, 2024 | Kristijan Trajchov | Македонија

Детонит Плачковица одлучи да направи промена, па така донесоа одлука спогодбено да се разделат со досегашниот шеф на стручниот штаб Иван Варадиновски. „Денес, управата на ФК „Детонит Плачковица“ и шефот на стручниот штаб Иван Варадиновски спогодбено го раскинаа Договорот за соработка за сезоната 2024/25. Од наше име, искрено му благодариме на Иван за постигнатиот историски успех за фудбалот во Радовиш, за најдобар домашен тим, за освоеното високо трето место во минатата 23/24 сезона и одигрувањето на бараж натпреварот за влез во Првата македонска лига. Му посакуваме понатамошна професионална кариера и нови успешни резултати, а ние и покрај лошиот почеток на првенството, продолжуваме понатаму со поставената цел пред нас“, се наведува во соопштението на клубот. По три одиграни кола, тимот од Радовиш е на деветото место каде имаат освоено само четири бода.

Не е дозволено копирање и користење на содржините без да бидат исполнети
Условите за користење на содржините.