ФФМ продолжува со големите промени: Александар Ставрев претседател на судиската комисија

December 27, 2024 | Kristijan Trajchov | Македонија

Промените во Фудбалската федерација на Македонија продолжуваат по изборот на Масар Омерагиќ за нов претседател. Покрај новите селекторски позиции во младинските категории, нов претседател беше избран и за судиската комисија, а тоа е Александар Ставрев, пензионираниот интернационален судија. Ставрев, кој ја заврши професионалната кариера со последните натпревари во Скопје и Порто, ја презеде функцијата од Димитар Мечкаровски. Новиот претседател на Комисијата за делегирање е Јосип Бартон, кој ќе биде придружуван од Џенан Хајдари и Зоранчо Илиевски од Битола. Истовремено, назначени се нови стручни надворешни соработници во судискиот одбор, меѓу кои се и Јосип Бартон, Никола Караколев, Горан Спиркоски, Марјан Кировски, Благој Шуклев, Џенан Хајдари, Иса Емрули, Игор Ширилов, Зоранчо Темелков, Билјана Миланова, Зоранчо Илиевски и Бранко Манојлоски. Формирана е и Комисија за делегирање на контролори во состав: Никола Караколев (претседател), Бранко Манојлоски и Игор Ширилов (членови). За имплементацијата на ВАР системот формирана е Комисија која вклучува Дејан Јакимовски, Димитар Мечкаровски, Марјан Кировски, Горан Спиркоски, Јосип Бартон и Никола Караколев. Тука е и Комисијата за делегирање на женски фудбал, каде Илир Сеља е задолжен за делегирање на судии, а Билјана Миланова за делегирање на контролори.

Не е дозволено копирање и користење на содржините без да бидат исполнети
Условите за користење на содржините.