December 23, 2024 | | Македонија
Ѓорѓи Христов, поранешниот македонски фудбалски репрезентативец (48/16), е именуван за нов технички директор на Фудбалската федерација на Македонија (ФФМ), по одлука на претседателот Масар Омерагиќ. Христов, кој е познат по своето фудбалско минато, ќе биде задолжен за развојот и работата на младинските национални селекции, како и за фудбалската академија при федерацијата. Како носител на тренерска ПРО лиценца и долгогодишен учесник во клупскиот фудбал, Христов има големо искуство во развојот на млади фудбалери и стратегиите за нивно напредување. Претходно, играше во клубови како битолски Пелистер, Партизан (Србија), Барнсли (Англија), Данфермлајн (Шкотска), Ден Бош (Холандија) и други. „Функцијата технички директор во ФФМ е голема чест за мене, но и сериозна обврска“, изјави Христов. „Иднината на македонскиот фудбал е во младите, и тоа мораме да го разбереме и применуваме. Изминатиот период не беше најдобар за младинските селекции, а посебно за академијата. Нашиот приоритет ќе биде да го промениме тоа и да ја ставиме младината во фокусот. Со новиот претседател на ФФМ и Пандев се согласија дека голема празнина постои откако се повлекоа младинците од славната генерација која се пласираше на Европското првенство. Ние мора да работиме на тоа да го промениме ова. Едукацијата на тренерскиот кадар и логистиката околу младинските селекции ќе се модернизираат и, верувам, ќе донесат добри резултати во иднина“, вели Христов. Ѓорѓи Христов сега е еден од клучните играчи во стратегијата за развој на македонскиот фудбал, посебно кога се работи за младите фудбалери и нивниот напредок на меѓународната сцена.
Не е дозволено копирање и користење на содржините без да бидат исполнети
Условите за користење на содржините.
September 13, 2024 |
September 16, 2024 |
