Милевски е во Анталија за да ги следи настапите на потенцијални репрезентативци

January 26, 2025 | Kristijan Trajchov | Македонија

Подготовките на македонските прволигашии во Анталија, Турција, се во полн ек, а будното око на селекторот Благоја Милевски не пропушта ниеден детаљ. Токму во овој фудбалски центар, каде многу клубови ги финализираат своите подготовки, Милевски се посвети на „скенирање“ на потенцијалните репрезентативци. Вчера, селекторот присуствуваше на дуелот меѓу Шкупи и Полонија Варшава, каде ги следеше настапите на неколку млади играчи кои се кандидати за македонскиот национален тим. По натпреварот, Милевски оствари средба со спортскиот директор на Шкупи, Ндерим Неџипи, и извршниот директор, Ајкут Туран. Во пријателската атмосфера, тројцата разменија мислења за моменталната состојба на тимот и напредокот на младите играчи од академијата, кои неодамна се приклучија на првиот тим и сега тренираат во Турција. Инспиративните разговори и деталните анализи само ја нагласуваат посветеноста кон развојот на македонскиот фудбал. Исто така, Вардар денеска ќе се соочи со Иберија 1999 од Грузија во рамките на подготовките во Анталија, Турција. Овој пријателски натпревар ќе започне во 16 часот, а и на овој натпревар се очекува и присуството на селекторот на македонската репрезентација, Благоја Милевски. Селекторот веќе неколку дена е во Анталија, каде внимателно ги следи настапите на македонските тимови. Вчера тој беше присутен на дуелот меѓу Шкупи и Полонија Варшава, анализирајќи ги настапите на потенцијалните репрезентативци. Денешниот натпревар на Вардар ќе биде уште една можност Милевски одблизу да ги оцени формата и подготовките на играчите, со фокус на оние кои би можеле да го засилат националниот тим.

Не е дозволено копирање и користење на содржините без да бидат исполнети
Условите за користење на содржините.