Омерагиќ и Пандев гости на гала свеченоста на ДФБ во Лајпциг

January 24, 2025 | Kristijan Trajchov | Македонија

Претседателот на Фудбалската федерација на Македонија, Масар Омерагиќ, заедно со спортскиот директор Горан Пандев, вечерва го претставуваат македонскиот фудбал на гала свеченоста во Лајпциг, организирана во чест на 125-годишнината од основањето на Фудбалската федерација на Германија. Овој важен настан ги собра претставниците на повеќето федерации, членки на ФИФА и УЕФА, вклучувајќи го и двоецот Омерагиќ и Пандев, кои ја искористија приликата за градење на нови контакти и соработка. Дополнително, престојот во Лајпциг не помина без посебна средба со еден од најистакнатите македонски фудбалери, Елиф Елмас, каде раководството на ФФМ се запозна со неговите тековни активности и планови. Настанот и посетата ја нагласуваат посветеноста на македонската федерација за активно учество на меѓународната сцена и одржување блиски врски со домашните и странските ѕвезди на фудбалот.

Не е дозволено копирање и користење на содржините без да бидат исполнети
Условите за користење на содржините.