Пандев: Сакам да им го пренесам моето искуство на помладите

November 30, 2024 | Kristijan Trajchov | Македонија

Македонската фудбалска легенда, Горан Пандев, открива некои од најинтересните моменти од својата кариера во поткастот на Интер, воден од неговиот поранешен соиграч Андреа Ранокија. Во искрениот разговор, Пандев се врати на своите почетоци во фудбалот, споделувајќи ги најважните моменти од своето патување, како и трансферот во Интер – клубот кој го обележа неговиот успех. Но, најинтересниот дел од интервјуто беше неговата визија за иднината. Пандев откри дека ќе се приклучи на работата во Македонската фудбалска федерација, каде ќе се посвети на помагање на помладите генерации. Со своето огромно искуство и мудрост стекнати низ години играње на највисоките фудбалски нивоа, Пандев изрази желба да им помогне на младите таленти да напредуваат и да достигнат нови височини во своите кариера. Горан Пандев не само што остави траен печат во светскиот фудбал, туку сега ќе продолжи да ја пренесува својата мудрост и страст за играта на следните генерации. Неговиот премин во новата улога сигурно ќе биде важен за развојот на фудбалот во Македонија и ќе ги инспирира многу млади таленти да се стремат кон големи успеси. ,,Веќе бев откажан од репрезентацијата. Се вратив потоа, и имавме шанса против Грузија да се пласираме на Европското првенство, јас постигнав гол и победивме 1-0. Кога играш за репрезентацијата, е сосема поинаква приказна. Мојата фамилија живее во Македонија. Имам своја фудбалска Академија, насекаде низ Македонија, каде што им се дава шанса на младите играчи. Секогаш размислувам што да направам. Не се гледам себе си како скаут или како тренер, сметам дека тоа не можам да го работам. Но, сакам да се вратам во федерацијата и да им дадам поддршка на младите генерации. Сакам да им дадам вистинска програма за напредок и да им го пренесам моето искуство кое ќе им помогне во нивниот развој. Сметам дека сега е вистинскиот момент’’, рече Пандев. Тој зборуваше и за трансферот во Интер. „Играв за Беласица на Вијареџо Купот, и тогаш Перлуиџи Касераги ме забележа и ме повика во Интер. Веднаш му одговорив дека сакам. Играв потоа со Интер на Вијареџо. Таму беше и Мартинс во тимот“, изјави Пандев, а потоа кажа и за враќањето во Интер. „Кога се вратив во Интер, таму беа Ето, Милито, Балоели, Кварезма. А, јас шест месеци немав играно фудбал. Мислев дека ќе останам на клупата подолго време, но веднаш добив шанса да играм“, откри тој. Целиот разговор на Пандев:

Не е дозволено копирање и користење на содржините без да бидат исполнети
Условите за користење на содржините.