Познати цените на билетите за дуелот на Македонија со Велс

February 19, 2025 | Kristijan Trajchov | Македонија

Македонија ќе го пречека Велс на 25 март на Националната арена „Тодор Проески“ во рамките на квалификациите за Светското првенство 2026 година. На седницата на Управниот одбор на Фудбалската федерација на Македонија (ФФМ) беа утврдени цените на влезниците за овој натпревар. Билетите за западната и источната трибина ќе чинат 300 денари, додека за северната и јужната трибина цената е 400 денари. Покрај тоа, билети од прва категорија за блокот 15 на северната трибина ќе се продаваат по 900 денари. Дополнително, ФФМ одлучи влезот за натпреварот меѓу женските репрезентации на Македонија и Косово, кој ќе се одигра на 21 март во Тренинг центарот „Петар Милошевски“, да биде бесплатен. Исто така, нема да се наплаќа влез за дуелите на женската репрезентација до 19 години против Босна и Херцеговина на 23 и 25 март.

Не е дозволено копирање и користење на содржините без да бидат исполнети
Условите за користење на содржините.