Работнички со непријатен старт на подготовките во Охрид – пораз од Партизани со 3-0

June 24, 2025 | Kristijan Trajchov | Македонија

Фудбалерите на Работнички не го започнаа посакувано подготвителниот период на Охридското Езеро, откако доживеаја убедлив пораз од албанскиот Партизани со резултат 3-0. Екипата од Тирана брзо наметна темпо, поведувајќи уште во 18. минута, а само шест минути подоцна го зголеми водството на 2-0, што беше и резултатот на полувреме. Во финишот на натпреварот, албанскиот тим стави печат со трет погодок и го потврди поразот на скопскиот тим. За Работнички, ова беше прв пораз по двете ремија против Силекс (0-0 и 1-1), што беше охрабрувачки, но овој меч против Партизани откри неколку слаби точки во играта на тимот. Македонскиот претставник во Конференциската лига има уште една шанса за корекција – генералката пред европскиот предизвик ќе ја одигра против косовскиот Балкани, натпревар кој ќе биде важен тест за формата пред официјалниот старт на сезоната.

Не е дозволено копирање и користење на содржините без да бидат исполнети
Условите за користење на содржините.