December 23, 2024 | | Македонија
Настанот „Macedonia Collectors Show“ претставува прв изложбен собир на колекционери од спортски и останати предмети во Македонија и истиот се одржа по прв пат во Радовиш. Тој имаше за цел да ги собере на едно место најголемите колекционери на албуми, сликички, картички, биндери, автограми и сродна меморабилија.
Во рамки на настанот, посетителите имаа можност да учествуваат во едукативно-информативна изложба, каде беа презентирани ретки, уникатни и занимливи предмети од историјата на светското и македонското фудбалско колекционерство.
Најголемите колекционери од целата држава, со своите квалитетни и многубројни колекции, дадоа значаен придонес за успешната промоција на настанот. Инволвирањето на младата популација, како таргет група, беше успешно постигнато и тоа од информативен и едукативен аспект.
Специјални гости на настанот беа Диме Димов, радовишка ѕвезда и играч на Локо Софија кој наскоро ќе замине од бугарскиот клуб, Јовица Трајчев, поранешен голем македонски фудбалер и претседател на Детонит Плачковица и Иван Николов, капитен на младинската У-21 репрезентација и играч на тимот на Sønderjyske Fodbold во данската суперлига.
ФОТО: Radovish News
Не е дозволено копирање и користење на содржините без да бидат исполнети
Условите за користење на содржините.
September 13, 2024 |
September 16, 2024 |
