Шкендија обезбеди европска есен со победа во Букурешт! (ВИДЕО)

July 30, 2025 | Kristijan Trajchov | Македонија

Шкендија продолжува со европските успеси! На гостувањето кај романскиот вицешампион ФЦСБ во Букурешт, тетовци славеа со 1-2 и на тој начин си обезбедија европска есен – дури и ако бидат елиминирани од Лигата на шампионите и од Лига Европа, ќе играат во групната фаза од Конференциската лига. Натпреварот започна внимателно, без многу ризици. ФЦСБ ја контролираше топката, но не создаде сериозни шанси, благодарение на добро организираната одбрана на Шкендија. Првата вистинска закана за домаќините дојде во 14. минута кога капитенот Ибраими се закани, но голманот на ФЦСБ беше сигурен. Сепак, Романците први дојдоа до водство – по една неразјаснета ситуација во одбраната на Шкендија, Цисоти ја искористи шансата и го матираше Гаје. Но радоста на ФЦСБ траеше кратко. Веќе во 21. минута, по корнер и мешаница во шеснаесетникот, Лафити се снајде најдобро и израмни на 1-1. До крајот на првото полувреме и поголемиот дел од второто, се играше претежно на средината од теренот, со неколку полушанси од двете страни. Шкендија беше блиску до гол во 81. минута, но Ибраими ја пропушти најдобрата шанса на мечот. Сепак, победата не изостана – во финишот од натпреварот, Ване Крстевски се најде на вистинското место во вистинско време и со прецизен удар донесе голема победа за Шкендија. Тимот на Јетон Беќири во третото квалификациско коло ќе се соочи со Карабах од Азербејџан, кој претходно го елиминираше Шелбурн. Но најважното е дека Шкендија веќе има обезбедено настап во една од европските групни фази – голем успех за македонскиот фудбал.

Не е дозволено копирање и користење на содржините без да бидат исполнети
Условите за користење на содржините.