Шкендија сигурно против Тиквеш, Силекс го „потопи“ шампионот, Работнички потфрли (ВИДЕО)

March 2, 2025 | Kristijan Trajchov | Македонија

Тукушто заврши 21. коло од ПМФЛ шампионатот, во кое фаворитите генерално ја оправдаа својата улога. Натпреварите понудија интересни моменти, а неколку екипи забележаа значајни победи. Во Тетово, тимот на Шкендија славеше со 1:0 против Тиквеш, благодарение на фантастичниот погодок на Адаму Алхасан. Во 35. минута, по корнерот на Ибраими, Алхасан со пета маестрално ја смести топката во мрежата на Димовски, носејќи три бода за домаќините. Во Кратово, Силекс забележа значајна победа од 3:1 против Струга Трим Лум. По половина час игра, домаќините веќе имаа предност од 2:0 со головите на Хрвановиќ и Усман. Иако гостите намалија на 2:1 пред полувреме, одличниот Ади Алиќ повторно погоди и ги постави конечните 3:1. На свој терен, Шкупи одигра убедлив натпревар против Пелистер, триумфирајќи со 3:1. Џемаил Имиши двапати се запиша во листата на стрелците, додека Нуман Ајети го комплетираше триумфот. Домаќините доминираа во сите сегменти од играта, а резултатот само го одразува нивното надмоќно издание. Во Скопје, на стадионот „Борис Трајковски“, Гостивар и Работнички одиграа без голови (0:0). Иако гостите од главниот град имаа повеќе од играта и создадоа бројни шанси, не успеаја да ги претворат во погодок. Гостивар, пак, може да биде задоволен што освои бод. Во Охрид, Воска триумфираше над Брера со 3:1 и дополнително ја подобри својата позиција на табелата. Головите ги постигнаа Виноградац, Осеи и Адеми, кои донесоа висока предност од 3:0. Нзендгуе во финишот на мечот го постави конечниот резултат. Резултати: Гостивар – Работнички 0:0 Силекс – Струга ТЛ 3:1 Воска – Брера 3:1 Шкендија – Тиквеш 1:0 Шкупи – Пелистер 3:1 Табела: Шкендија 46, Силекс 41, Работнички 41, Гостивар 40, Струга ТЛ 32, Шкупи 31, Пелистер 23, Брера 20, Воска 18, Вардар 17, Тиквеш 15, Беса 15

Не е дозволено копирање и користење на содржините без да бидат исполнети
Условите за користење на содржините.