Силекс е есенски шампион по триумфот над Вардар! (ВИДЕО)

December 8, 2024 | Kristijan Trajchov | Македонија

Есенскиот дел од сезоната во ПМФЛ заврши со голема конкуренција на врвот на табелата. Силекс ја заврши првата половина на сезоната како лидер со 37 бодови, благодарение на минималната победа од 1-0 против Вардар, постигната со гол од далечина на Ефтимов. Иако Силекс имаше играч помалку поради црвениот картон на Донов, тие успеаа да слават благодарение на грешките на Вардар, чии фудбалери не успеаа да ја искористат бројчевата предност. Шкендија и Работнички, исто така, завршија со по 37 бодови, но кратовци имаа подобра гол разлика. Работнички убедливо го победи Пелистер со 3-0, благодарение на два гола од Мазари и еден од Регба. Овој натпревар беше последен за судијата Александар Ставрев. Шкендија, која беше во пол позиција за првото место пред почетокот на последните натпревари, загуби два бода поради ремито 0-0 против Гостивар, што им овозможи на конкурентите да се израмнат на врвот. Во езерското дерби, Струга со 2-1 го победи Воска, а Малески и Осеи беа стрелци за домаќините. Тиквеш, пак, со голови на Манасиески и Стојкоски го победи Брера со 2-0, важни бодови за тимот од Кавадарци. Шкупи ја оствари гостинската победа кај Беса со автогол на Силјановски, кој ја донесе победата за тимот од Чаир. Резултати: Силекс – Вардар 1-0 Работнички – Пелистер 3-0 Шкендија – Гостивар 0-0 Беса – Шкупи 0-1 Струга – Воска 2-1 Тиквеш – Брера 2-0 Табела: Силекс 37, Шкендија 37, Работнички 37, Гостивар 35, Струга 32, Шкупи 22, Пелистер 19, Брера 19, Тиквеш 14, Беса 13, Вардар 13, Воска 12.

Не е дозволено копирање и користење на содржините без да бидат исполнети
Условите за користење на содржините.