Вардарци ќе се освежат со висока премија ако ја минат Лозана!

July 20, 2025 | Kristijan Trajchov | Македонија

Вардар е на прагот на нов историски чекор во Европа, а мотивацијата е двојна – спортска и финансиска. По елиминацијата на Ла Фиорита од Сан Марино со вкупни 5-2, вардарци веќе ја поделија премијата од 50.000 евра. Сега ги чека вистински тест – швајцарската Лозана, а и уште поголема награда. Управата на клубот најави премија од 100.000 евра ако „црвено-црните“ ја минат и втората пречка во Конференциската лига. Лозана доаѓа од посилно фудбалско окружување и минатата сезона беше петта во швајцарската лига, што ја прави сериозен противник. Првиот натпревар ќе се одигра на 24 јули (четврток) во Скопје, додека реваншот е седум дена подоцна во Швајцарија. Вардар ќе треба да ја покаже својата вистинска сила ако сака да ја наполни касата – и срцата на навивачите.

Не е дозволено копирање и користење на содржините без да бидат исполнети
Условите за користење на содржините.