Воска нема да ја доигра Првата лига и веднаш ќе се повлече!?

April 26, 2025 | Kristijan Trajchov | Македонија

Воска Спорт, која веќе е силно погодена со казната од девет бода по скандалот со прекинатиот натпревар против Вардар (1-1), сега се соочува со уште поголема криза. Наводно, клубот од Охрид размислува за целосно повлекување од Првата македонска фудбалска лига. По суспензијата на сопственикот Нефи Усеини и тренерот Клодиан Арбри на две години, клубот практично остана без раководство и амбиција да продолжи со натпреварувањето. Недостигот од мотиви дополнително се засилува со фактот дека, по одземањето на бодовите, Воска Спорт има само 14 бодови и заостанува цели десет зад најблиските конкуренти, Беса и Брера. Иако Воска Спорт нема долгогодишна традиција, евентуалното напуштање на Првата лига би значело автоматско исфрлање во најнизок ранг на натпреварување, што би било нов силен удар за македонскиот клупски фудбал. Ситуацијата дополнително ја усложнува фактот што токму кон крајот на сезоната, стабилноста и регуларноста на првенството би можеле сериозно да бидат доведени во прашање.

Не е дозволено копирање и користење на содржините без да бидат исполнети
Условите за користење на содржините.