Воска Спорт демантира: Нема да заминеме од Охрид, наш нов тренер е Сафет Ислер

January 6, 2025 | Kristijan Trajchov | Македонија

Тимот на Воска Спорт, кој се наоѓа на дното од табелата, наскоро започнува подготовки за пролетниот дел од сезоната, каде што ќе се обиде да обезбеди опстанок во Првата лига. За таа цел, клубот именува нов тренер – Турчинот Сафет Ишлер. Ишлер има искуство како тренер во Ван Спор и во младинската академија на Бешикташ. Дополнително, Воска Спорт неодамна го засили својот состав со тројца нови играчи: Филип Валенчиќ, Туре Сира и Оива Лаксонен, со надеж дека ќе ја подобри својата позиција и ќе избегне испаѓање. Клубот исто така ги отфрли гласините за можен трансфер во Гостивар. Тие потврдија дека се работи на реорганизација во управата, но нагласија дека остануваат во Охрид. „Ја информираме јавноста и нашите поддржувачи дека се водат преговори за реорганизација во управата, со цел појасна визија и поголеми амбиции за иднината. Клубот нема намера да го промени името или градот каде што ги игра своите натпревари. Воска Спорт останува во Охрид и ќе продолжиме да ги играме мечевите во нашиот град“, стои во соопштението на клубот објавено на „Фејсбук“.

Не е дозволено копирање и користење на содржините без да бидат исполнети
Условите за користење на содржините.