Заминуваат пет фудбалери од Вардар, може да замине и Гачевски

May 30, 2025 | Kristijan Trajchov | Македонија

Фудбалскиот клуб Вардар го означи почетокот на летната реконструкција. Пет фудбалери си заминуваат – Јасмин Мециновиќ, Николче Шаркоски, Александар Ѓурковски, Џибрил Дианеси и Михал Пинтер го напуштаат таборот од Аеродром, а клубот им се заблагодари за сето што го дадоа во црвено-црниот дрес. Но, тука не застанува промената – Филип Гачевски, голманот кој со години го бранеше голот на Вардар, се наоѓа на трансфер листата и може да замине без обештетување, доколку најде нова средина. Во меѓувреме, Вардар преговара за иднината на уште двајца – Методија Велковски и Ненад Мишковски, и наскоро се очекува јасност околу нивната судбина. А во целиот овој тек на промени, еден нов играч го облекува црвено-црниот дрес: Или Зибери, талентиран 20-годишен голман од Тетекс, потпиша четиригодишен договор и е првото официјално засилување за новата сезона.

Не е дозволено копирање и користење на содржините без да бидат исполнети
Условите за користење на содржините.