Ако немаше ВАР, табелата во Премиер лигата ќе беше различна!

February 6, 2025 | Kristijan Trajchov | Свет

Со сезоната 2024/25 во Премиер лигата веќе помината повеќе од половина, улогата на ВАР останува контроверзна тема, влијае на исходите од натпреварите и предизвикува дебати меѓу навивачите и фудбалските аналитичари. Со повеќе од 50% од сезоната зад нас, „The Sun“ изработи алтернативна табела на Премиер лигата, во која ВАР воопшто не бил земен предвид. Резултатите покажуваат кои тимови би биле оштетени од технологијата, а кои навивачи можеби тајно се радуваат што 20-те клубови од најсилното англиско првенство не гласаа за укинување на овој многу критикуван систем. Иако минатата сезона од PGMOL беше објавено дека ВАР исправил над 100 значајни грешки, и оваа година не недостасуваат контроверзии околу неговата примена. Да погледнеме како би изгледала табелата доколку челниците на Премиер лигата никогаш не ја вовеле оваа технологија. Арсенал би имал шест бода повеќе, Ливерпул еден помалку, Нотингем исто бодови како и сега, Бормут пет повеќе и Челси четири помалку. Сити би имал два помалку, а Манчестер Јунајтед би имал четири бода повеќе.

Не е дозволено копирање и користење на содржините без да бидат исполнети
Условите за користење на содржините.