Албанските фудбалери не смеат да даваат изјави пред дуелот со Србија

September 19, 2025 | Kristijan Trajchov | Свет

Фудбалскиот сојуз на Албанија им забранил на репрезентативците да даваат било какви изјави пред октомврискиот квалификациски дуел против Србија во Лесковац. Одлуката е донесена за да се избегне дополнително вжештување на атмосферата поради политичките тензии меѓу двете земји. Натпреварот ќе се игра на стадионот „Дубочица“ и се очекува да привлече големо внимание, не само поради спортскиот аспект, туку и поради чувствителниот контекст. Албанските медиуми потсетуваат дека играчите често знаат да дадат патриотски изјави кои може да се протолкуваат како провокација, па затоа сојузот решил да превенира можни инциденти. Интересно е што Србија и Албанија заеднички ќе бидат домаќини на Европското првенство за фудбалери до 21 година во 2027 година.

Не е дозволено копирање и користење на содржините без да бидат исполнети
Условите за користење на содржините.