Аморим го реконструира Манчестер Јунајтед – Четири играчи надвор од плановите

June 20, 2025 | Kristijan Trajchov | Свет

Аморим го реконструира Манчестер Јунајтед – Четири играчи надвор од плановите

Новиот менаџер на Манчестер јунајтед, Рубен Аморим, започнува длабока трансформација на тимот и, според повеќе извори, четворица напаѓачи се први на листата за заминување: Маркус Рашфорд, Џејдон Санчо, Антони и Алехандро Гарначо. Како што се пренесува од англиските и португалските медиуми, овие играчи нема да бидат дел од летната турнеја во САД, што е јасен сигнал дека повеќе не се во плановите на португалскиот стратег. Аморим, кој го презеде тимот на средина од сезоната, имаше ограничено време да наметне своја филозофија. Летово, тој конечно добива можност сам да го крои тимот, и да доведе фудбалери кои ќе одговараат на неговиот систем на игра. Одлуката да се отстранат некои од најпознатите имиња од клубот не е целосно изненадување. Секој од споменатите играчи има своја проблематика: Рашфорд е далеку од формата што ја имаше пред неколку сезони, Санчо е во отворен конфликт со претходниот стручен штаб, Антони не ги оправда очекувањата, а Гарначо, и покрај талентот, не се вклопува во тактичката визија на новиот тренер.

Не е дозволено копирање и користење на содржините без да бидат исполнети
Условите за користење на содржините.