Аморим објасни зошто Антони е толку добар во Реал Бетис

March 7, 2025 | Kristijan Trajchov | Свет

Антони доживеа целосна трансформација во Бетис, прикажувајќи игри кои се далеку подобри од неговите настапи во Манчестер Јунајтед, каде никако не успеа да ја оправда високата сума платена за него. По долг период во кој беше целосно надвор од плановите на Рубен Аморим, англискиот клуб реши да му овозможи нова средина во зимскиот преоден рок. Засега, позајмицата во Бетис изгледа како вистински потег, како за шпанскиот тим, така и за самиот фудбалер. Во Ла Лига, Антони блеска со самодоверба и леснотија во играта, а јасно е дека шпанскиот фудбал многу повеќе му одговара од динамичниот и физички интензивен стил на Премиер лигата. Рубен Аморим, во разговор со Рио Фердинанд, ја истакна токму физичката компонента како една од главните причини зошто Бразилецот не можеше да направи голема разлика во Англија. „Во Премиер лигата, физичката сила е од огромно значење. Понекогаш нема потреба од создавање акции, доволна е една долга топка и добра завршница за да бидете пред голот. Ако немате природна физичка доминација, тогаш е многу потешко да се наметнете во Англија. Тоа е еден од главните фактори зошто Антони игра далеку подобро во Шпанија“, објасни Аморим.

Не е дозволено копирање и користење на содржините без да бидат исполнети
Условите за користење на содржините.