Анчелоти: Ќе биде тешко да ја освоиме титулата, но имаме идеја да работиме добро до крајот

April 5, 2025 | Kristijan Trajchov | Свет

Во најнезгодниот можен момент, актуелниот шампион на Шпанија се сопна и дозволи уште еден удар по своите амбиции за одбрана на титулата. Реал Мадрид не успеа да излезе како победник, и сега со потенцијални шест бода заостанување зад лидерот Барселона, трката за Ла Лига може да добие појасна слика. Вечерва сите погледи се вперени кон „Монжуик“, каде што каталонците се соочуваат со залетаниот Бетис. Ако Барса ја положи таа пречка, „кралскиот клуб“ ќе се најде во уште поголем проблем. „Ситуацијата сега е многу покомплицирана. Имаме визија да продолжиме да работиме до крајот, но загубивме важна шанса да останеме блиску. Борбата не е завршена, но нашата задача стана далеку потешка“, рече тој. Италијанскиот стратег посочи на клучниот недостаток, а тоа е ефикасноста. „Создадовме многу шанси, но фалеше завршниот удар. Не бевме доволно остри ниту при враќање на топката. Сега, секоја шанса за противникот завршува со казна. Ризикувавме затоа што ремито не беше доволно“, додаде Анчелоти.

Не е дозволено копирање и користење на содржините без да бидат исполнети
Условите за користење на содржините.