Анчелоти нема да се пензионира и ќе се врати во Серија А?

January 20, 2025 | Kristijan Trajchov | Свет

Според денешните информации на шпанското радио Onda Cero, Карло Анчелоти донел одлука да замине од Реал Мадрид на крајот од сезоната, но нема намера да се повлече од фудбалот. Искусниот стратег ќе продолжи со својата тренерска кариера во друг клуб. Италијанскиот новинар Оразио Акомандо, кој известува за DAZN, тврди дека Рома сериозно размислува да го врати Анчелоти во Серија А. Додека Клаудио Раниери моментално го води тимот, управата на клубот паралелно работи на долгорочно решение за тренерската позиција. Целта е да се донесе елитен стратег кој ќе ги подигне амбициите на клубот. Анчелоти, кој како играч помина осум години во дресот на „римската волчица“, би бил природен избор за Рома. Неговата поврзаност со клубот и искуството го прават идеален кандидат за да го врати тимот на врвот. Сепак, останува прашањето дали амбициите на Рома и Анчелоти ќе се совпаднат, особено со оглед на тоа што пласманот во Лигата на шампионите изгледа како далечна цел за следната сезона. Рома сонува за враќање на славните денови, а Анчелоти може да биде клучната фигура во таа мисија.

Не е дозволено копирање и користење на содржините без да бидат исполнети
Условите за користење на содржините.