Анхел Кореа може да добие огромна суспензија поради тешки навреди кон судијата

March 10, 2025 | Kristijan Trajchov | Свет

Атлетико Мадрид би можел да се соочи со сериозен проблем, откако аргентинскиот напаѓач Анхел Кореа заработи црвен картон и му се заканува жестока суспензија поради навреда на судијата. Во 88. минута од натпреварот против Хетафе, главниот арбитар Гиљермо Куадра Фернандез му покажа директен црвен картон. Кореа реагираше бурно, упатувајќи навреди кои јасно се забележуваат на видео-снимката. Официјалниот извештај наведува дека напаѓачот користел непристојни зборови и упатил лични навреди кон судијата. Според дисциплинскиот правилник на Ла Лига, за ваков прекршок се предвидува суспензија од четири до дванаесет натпревари. Иако Кореа подоцна јавно се извини преку социјалните мрежи, шансите да ја избегне казната се минимални. Атлетико не само што остана со играч помалку, туку го загуби натпреварот со 2-1, иако имаше предност од 1-0. Хетафе направи целосен пресврт, а херој на тимот беше Мауро Арамбари, кој постигна два гола и го донесе триумфот на својот тим.

Не е дозволено копирање и користење на содржините без да бидат исполнети
Условите за користење на содржините.