Барселона го сака пак: Започнаа преговорите за Кансело!

July 21, 2024 | Kristijan Trajchov | Свет

Барселона се надева дека и наредната сезона Жоао Кансело пак ќе биде дел од тимот. Минатата сезона тој ја помина во Барселона на позајмица и одигра солидно со тоа што во клучните натпревари против Реал Мадрид на Бернабе и вториот натпревар од Лигата на Шампионите против ПСЖ одигра очајно. Но, Барселона го цени неговото искуство, како и флексибилноста да може да игра и на двете бековски позиции. Според информациите на „Sport“, Барселона започнала преговори за Кансело. Засега нема дополнителни информации дали се преговара за нова позајмица или за перманентен трансфер каде непознато е дали Барселона ќе може да го откупи поради рестрикциите од Ла Лига или пак ќе мора да преговара за позајмица. Договорот на играчот со Манчестер Сити е до летото 2027 година.

Не е дозволено копирање и користење на содржините без да бидат исполнети
Условите за користење на содржините.