Барселона се враќа на Камп Ноу, но реконструкцијата ќе трае до 2027

June 26, 2025 | Kristijan Trajchov | Свет

Барселона се враќа на Камп Ноу, но реконструкцијата ќе трае до 2027

Барселона вчера официјално потврди дека ова лето повторно ќе заигра на легендарниот Камп Ноу. Првиот меч на обновениот стадион ќе биде Жоан Гампер трофејот во август, но иако клубот се враќа дома, работите на стадионот сè уште не се завршени. За тој прв натпревар, Камп Ноу ќе може да прими до 60.000 гледачи. До крајот на сезоната се очекува да заврши третото ниво од трибините, со што капацитетот ќе се зголеми на 90.000. Целосната реконструкција, вклучувајќи го и новиот кров, треба да биде завршена до летото 2027 година. Тогаш Камп Ноу ќе добие нов сјај и ќе има импресивен капацитет од 105.000 места.

Не е дозволено копирање и користење на содржините без да бидат исполнети
Условите за користење на содржините.