June 20, 2025 | | Свет
Светското клупско првенство донесе ново големо изненадување – европскиот шампион ПСЖ загуби со 1-0 од Ботафого, во меч кој покажа дека на овој турнир нема недопирливи. ПСЖ пристигна во одлична форма, особено по впечатливата победа од 4-0 над Атлетико Мадрид во првото коло, но Ботафого имаше поинакви планови. Во 36. минута, Игор Жесус погоди за водство на бразилскиот тим, резултат кој подоцна се покажа како конечен. Иако Французите се обидуваа да се вратат во игра, одбраната на Ботафого функционираше беспрекорно, а тимот создаде и неколку дополнителни шанси за да ја зголеми предноста. Со оваа победа, Ботафого не само што приреди сензација, туку и се искачи на врвот на групата со максимални 6 бодови. Во другата средба, Атлетико Мадрид ја поправи грешката од првото коло и го совлада Сиетл Саундерс со 3-1, во натпревар во кој шпанскиот тим доминираше. Бариос го отвори резултатот со прекрасен погодок во 11. минута. Во второто полувреме, Аксел Витсел веднаш по влегувањето ја удвои предноста. Сиетл кратко се врати во игра со голот на Руснак во 50. минута, но само пет минути подоцна Бариос постигна втор гол и го постави конечниот резултат – 3-1. Состојба по две кола: Ботафого – 6 бодови ПСЖ – 3 бодови Атлетико Мадрид – 3 бодови Сиетл Саундерс – 0 бодови
Не е дозволено копирање и користење на содржините без да бидат исполнети
Условите за користење на содржините.
September 13, 2024 |
September 7, 2024 |
September 16, 2024 |