Брахим Дијаз не ги заборави зборовите на Симеоне: Зборувај сега да те видам (ВИДЕО)

March 5, 2025 | Kristijan Trajchov | Свет

Во отсуство на суспендираниот Џуд Белингем и повредениот Дани Себаљос, Брахим Дијаз доби шанса во стартниот состав на Реал Мадрид и ја искористи на фантастичен начин, постигнувајќи победнички гол во триумфот од 2-1 против Атлетико во осминафиналето од Лигата на шампионите. Во 55. минута од натпреварот, Дијаз со маестрален дриблинг го елиминираше Хименез, а потоа со неодбранлив удар во далечниот агол го совлада Јан Облак. Фудбалерот веднаш го прослави погодокот со своите соиграчи на клупата, но потоа се сврте кон Диего Симеоне и испрати порака: „Зборувај сега да те видам. Зборувај сега.“ Очигледно, Дијаз не ги заборави зборовите на тренерот на Атлетико пред натпреварот, кога Симеоне изјави дека не очекува тој да се најде во стартниот состав. „Верувам дека ќе играат со Модриќ, Камавинга и Чуамени. Кога беа во слична ситуација, го користеа тоа трио, па очекувам истото да го видиме и овој пат,“ беше коментарот на аргентинскиот стратег пред дуелот.

El Cholo Simeone dijo ayer en rueda de prensa que no creía que Brahim jugara hoy. Y Brahim Díaz le respondió esto después de marcar un golazo. Genio absoluto, dentro y fuera del campo.pic.twitter.com/IL3SwnFuPD

— CR7STIANISMO🇪🇸🇵🇹 (@Cr7stianismo_) March 4, 2025

Не е дозволено копирање и користење на содржините без да бидат исполнети
Условите за користење на содржините.