Братот на Пол Погба осуден на затвор по обид да изнуди пари од фудбалерот

December 19, 2024 | Kristijan Trajchov | Свет

Матиас Погба, братот на фудбалската ѕвезда Пол Погба, беше осуден на тригодишна затворска казна по судскиот процес познат како „Афера Погба“. Судот му изрече казна од две години за организирање на криминална банда, како и една година за обид за изнуда. Оваа одлука беше донесена по двонеделно сослушување, по кое Матиас беше прогласен за виновен. Сепак, Погба најверојатно нема да одлежи казната зад решетки. Наместо тоа, тој ќе биде под куќен притвор, каде што ќе биде под електронски надзор. Според обвинението, Матиас со помош на група соработници се обидел да изнуди 13 милиони евра од својот брат Пол. Најтешката казна во оваа афера ја доби организаторот на групата, кој беше осуден на осум години затвор. Овој случај ја шокираше јавноста, бидејќи се случи меѓу членовите на една од најпознатите фудбалски фамилии.

Не е дозволено копирање и користење на содржините без да бидат исполнети
Условите за користење на содржините.