Де Брујне: Знам што нѐ очекува против Реал

February 11, 2025 | Kristijan Trajchov | Свет

Фудбалерот на Манчестер Сити, Кевин де Бруjне, очекува исклучително тежок предизвик во пресметката со Реал Мадрид во плејофот на Лигата на шампионите. Според него, овој дуел доаѓа порано од очекуваното, но тоа е резултат на новиот формат и нестабилните игри на двата тима во групната фаза. Белгиецот нагласи дека веќе има големо искуство во дуелите со „кралевите“ и добро знае што го очекува. „Играв против Реал во сите можни фази – од осминафинале до полуфинале. Јасно е зошто се среќаваме толку рано – затоа што не одигравме подобро во групите. Сепак, вакви натпревари се одлучуваат во детали, така што не треба да се прават непромислени потези“, изјави Де Бруjне. Според него, важно е тимот да пристапи со максимална сериозност и да не потцени ниту еден противник. „Без разлика дали играме против Реал Мадрид или Лејтон Ориент, секогаш влегувам со истата почит и се трудам да ја завршам својата работа. Овој натпревар е посебен, но пристапот мора да биде ист – со максимална посветеност и концентрација“, додаде тој.

Не е дозволено копирање и користење на содржините без да бидат исполнети
Условите за користење на содржините.