Дел Пјеро: Италијанскиот фудбал повеќе не го забрзува срцето

October 6, 2026 | Kristijan Trajchov | Свет

Дел Пјеро: Италијанскиот фудбал повеќе не го забрзува срцето

Легендата на италијанскиот фудбал, Алесандро Дел Пјеро, упати остри критики за актуелната состојба на Серија А, посочувајќи дека италијанскиот фудбал повеќе не ја има привлечноста што ја поседувал во минатото. „Италијанскиот фудбал повеќе не возбудува. Не го забрзува срцето. Стана рамен“, изјави Дел Пјеро, пренесува Calciomercato. Според поранешниот капитен на Јувентус, некогаш Серија А била центарот на светскиот фудбал, а најголемите ѕвезди доаѓале во Италија за да се соочат со најдобрите. „Еднаш одамна, Серија А беше центарот на светот. Суперѕвездите доаѓаа тука за да се тестираат против најдобрите, бидејќи играњето во Италија значеше дека сте стигнале до највисокото ниво.“ Дел Пјеро смета дека денес ситуацијата е поинаква и дека Италија повеќе не е првата дестинација за најголемите фудбалски таленти. „Денес станавме речиси втор избор. Големите таленти гледаат кон Англија, Шпанија и другите големи европски лиги. Повеќе не сме дестинација: премногу често сме компромис“, порача Италијанецот.

Не е дозволено копирање и користење на содржините без да бидат исполнети
Условите за користење на содржините.