Дембеле со солзи се заблагодари на мајка му по освојувањето на „Златната топка“ (ВИДЕО)

September 23, 2025 | Kristijan Trajchov | Свет

Дембеле со солзи се заблагодари на мајка му по освојувањето на „Златната топка“ (ВИДЕО)

Фудбалерот на Пари Сен Жермен, Усман Дембеле, е најновиот освојувач на престижната награда „Златна топка“. На свеченоста Французинот не можеше да ги задржи емоциите кога дојде редот да се заблагодари на најблиските. „На крајот сакам да му се заблагодарам на целото семејство, на мајка ми…“, рече Дембеле, по што солзите го совладаа. „Секогаш беа тука за мене, ме поддржуваа и во тешките моменти.“ Тој додаде благодарност и за својот агент: „Секогаш веруваше во мене и ме мотивираше. Ми рече дека еден ден ќе ја освојам Златната топка.“ На крајот Дембеле се осврна и на својот најдобар пријател: „Последните четири или пет години направивме сè заедно. Ме следи секаде и знам дека до крајот на животот ќе бидеме заедно.“

Не е дозволено копирање и користење на содржините без да бидат исполнети
Условите за користење на содржините.