Џабе толкави инвестиции: Никој не ја гледа лигата на Саудиска Арабија!

December 7, 2024 | Kristijan Trajchov | Свет

Саудиска Арабија вложи огромни средства за да привлече познати фудбалски имиња во својата лига, но резултатите од големите инвестиции се очајни. Најдобрите играчи и тренери се дел од лигата, но гледаноста и интересот од публиката се многу помали од очекуваното. Според информациите од „Канал+“, натпреварот помеѓу Ал Наср и Дамак бил следен само од 4.000 гледачи преку нивниот канал, што е разочарувачки податок за лига која вложува милиони во доведување играчи од светски ранг. Овој податок само го потврдува слабото внимание на јавноста за фудбалот во Саудиска Арабија. Исто така, стадионите на кои се играат натпреварите често се полупразни, што ја рефлектира реалната ситуација за фудбалската сцена во оваа земја. Фудбалот во Саудиска Арабија ги привлекува имињата, но не и публиката, што остава впечаток дека инвестициите не даваат резултати.

Не е дозволено копирање и користење на содржините без да бидат исполнети
Условите за користење на содржините.