June 10, 2025 | | Свет
Борусија Дортмунд денеска попладнево го официјализираше потписот на Џоб Белингем, талентираниот 19-годишен фудбалер кој доаѓа од редовите на Сандерленд. Овој трансфер претставува рекордна продажба за англискиот клуб, со вкупна вредност од околу 32 милиони фунти, односно 38 милиони евра со сите бонуси. Младиот Белингем потпиша петгодишен договор со „милионерите“ и ќе го носи дресот со број 77. Борусија инсистираше трансферот да се заврши навреме, со цел Белингем да биде регистриран за претстојното Светско клупско првенство. Иако првата понуда од 16,8 милиони фунти беше одбиена, германскиот клуб се врати со значително подобрена сума, која Сандерленд на крајот ја прифати. „Пресреќен сум што сум дел од Борусија Дортмунд. Овој клуб има богата историја и неверојатни навивачи. Ќе дадам сè од себе секој ден, со цел да постигнеме успеси заедно“, изјави Џоб Белингем при своето претставување. И додека навивачите на Дортмунд со нетрпение очекуваат да го видат на терен, веќе се појавуваат шпекулации дека младиот Англичанец сонува еден ден да заигра рамо до рамо со својот постар брат Џуд во Реал Мадрид.
Не е дозволено копирање и користење на содржините без да бидат исполнети
Условите за користење на содржините.
September 13, 2024 |
September 7, 2024 |
September 16, 2024 |