Флик: Можеме подобро и од ова, ние сме Барса и должни сме да напредуваме

January 13, 2025 | Kristijan Trajchov | Свет

Барселона триумфираше со спектакуларна победа од 5-2 против Реал Мадрид во Џеда, освојувајќи го шпанскиот Суперкуп. И покрај тоа што играа половина час со играч помалку, Каталонците успеаја да го зачуваат и потврдат своето водство. Тренерот на Барселона, Ханси Флик, по натпреварот изрази задоволство од изведбата на својот тим, но остана смирен во изјавата пред медиумите. „Навистина одигравме одличен натпревар и сум многу среќен, бидејќи напорно работевме за ова. Планот беше исполнет, дури и во второто полувреме кога останавме со играч помалку. Оваа титула многу значи, но свесни сме дека мора да се подготвиме за следните предизвици“, изјави Флик. Флик истакна дека и покрај импресивниот резултат против европскиот и шпанскиот шампион, неговиот тим има простор за напредок. „Иако е неверојатно да постигнете пет гола против тим како Реал, сметам дека можеме уште подобро. Не смееме да се задоволуваме со моменталното, бидејќи ситуацијата во Примера бара повеќе од нас. Ние сме Барселона и нашата обврска е постојано да се подобруваме,“ додаде тој. Со оваа победа, Флик го потврди својот статус како специјалист за финалиња, извојувајќи шест победи од исто толку натпревари за титула.

Не е дозволено копирање и користење на содржините без да бидат исполнети
Условите за користење на содржините.