Гигантот на колена: Милан нема да игра Европа за прв пат од 2019 година

May 20, 2025 | Kristijan Trajchov | Свет

Во 37. коло од Серија А, „росонерите“ доживеаја тежок удар на „Олимпико“, каде Рома ги порази со 3:1 и ја запечати нивната судбина – сезоната ќе ја завршат без пласман во европските натпреварувања, нешто што не се случило од 2019 година. Серхио Консеисао, кој на клупата на Милан дојде со големи очекувања, нема да може да ја избегне фудбалската реалност. Поразот во Рим ги спушти „црвено-црните“ на деветтата позиција со 60 бодови, а единствено што останува е надежта дека во последното коло ќе скокнат најмногу до седмото место – позиција која, оваа сезона, не гарантира билет за Европа. Навивачите со тага се присетуваат на сезоната 2020/21, кога Милан го пропушти настапот во Лигата на шампионите, но сепак имаше европско присуство. Оваа година – тотален мрак. Тимови како Фиорентина и Болоња имаат по 62 бода, а Наполи и Интер одамна се надвор од дофат.

Не е дозволено копирање и користење на содржините без да бидат исполнети
Условите за користење на содржините.