Голем гест на Хименес: Му помогна на Мексико да освои трофеј, а не го заборави ниту Жота! (ВИДЕО)

July 7, 2025 | Kristijan Trajchov | Свет

Голем гест на Хименес: Му помогна на Мексико да освои трофеј, а не го заборави ниту Жота! (ВИДЕО)

Мексико ја освои својата историска 10-та титула на КОНКАКАФ зоната (Северна и Централна Америка и Карибите), триумфирајќи над САД со 2-1 во финале кое ќе се памети не само по резултатот, туку и по моментот што ги трогна срцата на фудбалскиот свет. Раул Хименес, стрелец на првиот гол за Мексико, го посвети погодокот на трагично починатиот Диого Жота, излегувајќи на теренот во дрес со неговото име и бројот 20. По израмнувачкиот гол во 27. минута, со поглед кон небото и рака на срце, Хименес испрати порака на љубов, почит и незаборавна другарска врска. Неговата човечност предизвика емоции на трибините и на социјалните мрежи, каде навивачите го нарекоа „двоен херој“ – за погодокот и за гестот кој покажа дека фудбалот е многу повеќе од игра. САД поведоа рано преку Крис Ричардс уште во 4. минута, но мексиканската селекција не се предаде. Пресвртот го комплетираше Едсон Алварез со маестрален гол во 78. минута, носејќи го трофејот дома. Ова беше вечер на триумф, солзи и длабока поврзаност – доказ дека вистинските херои играат со срце.

Не е дозволено копирање и користење на содржините без да бидат исполнети
Условите за користење на содржините.