Гвардиола: Фудбалерите ми се повредени, затоа не победуваме!

December 20, 2024 | Kristijan Trajchov | Свет

Пеп Гвардиола се наоѓа во една од најголемите кризи во својата тренерска кариера, откако Манчестер Сити никако не успева да постигне стабилни резултати. На последните 11 натпревари, тимот има само една победа, што е рекорд кој никогаш не му се случил на Гвардиола во текот на неговата долгогодишна кариера. Иако Манчестер Сити располага со извонреден состав полн со скапи и талентирани фудбалери, тимот се соочува со сериозни проблеми поради повредите на клучни играчи. Пеп Гвардиола не престанува да се жали на ова, истакнувајќи дека неговиот состав не може да функционира целосно без своите водечки фудбалери. „Знам дека ќе се вратиме, но најважно е моите фудбалери да се вратат. Составот е навистина силен, но проблемот е што не го имам во целост“, изјави Гвардиола. Тој дополнува дека не се работи за тоа дали фудбалерите се добри или лоши, туку за тоа што не може да ги користи поради повредите. На последниот натпревар, Гвардиола ги постави следните стартни 11: Едерсон, Гвардиол, Диаш, Вокер, Силва, Гундоган, Нуњеш, Фоден, Де Брујне, Доку и Халанд. На клупата беа Ковачиќ, Грилиш и Савињо, но и покрај овие опции, Гвардиола ја изразува својата загриженост поради недостатокот на целосен состав. Со оваа криза, Гвардиола се соочува со нови предизвици, но тој верува дека тимот може да се врати на патот на успехот кога ќе ги има своите најдобри играчи на терен.

Не е дозволено копирање и користење на содржините без да бидат исполнети
Условите за користење на содржините.